Desaparecer.
Esfumarse sen máis.
Viaxar á realidade alternativa,
onde a dor
se mida en moedas de resplandecente ouro.
Vivir mendigando golpes,
roubando couces,
atracando bancos a punta de pistola
para obter unhas cantas puñadas.
A máis sufrimento
maior riqueza.
Ó mesmo tempo
que ves correr o teu sangue,
podes observar como na túa conta de aforros
medran os ceros á dereita.
Podendo vagar por este vapuleado mundo,
por qué seguir vivindo
onde nada cobras
por acabar coa metade dos ósos rotos?
No comments:
Post a Comment