Recordo, ese tempo
estragado,
onde todo tiña sentido,
onde todo tiña intención,
mellor ou peor,
pero nada pendía do Azar.
Aquela época antiga,
na que o omnipresente
Murphy fora exiliado,
relegado a un mero conto
de vellas.
Pero volveu a ser
invocado.
Acontecementos aleatorios,
sempre fatídicos,
despertan medos
enterrados,
preocupacións vacuas que
alimentan pesadelos,
que eliminan o feliz
descanso infantil.
Que cruel diácono da
abominable relixión do terror
decidiu que era hora de
volver ás andadas?
Xiros de trama,
inesperadas complicacións,
poñen aproba ao
desafortunado personaxe principal,
canso xa de actuar nesa
película barata que é a súa vida.
No comments:
Post a Comment