Ruína Verde

Nesa escura noite chegou ela,

e tamén un gran vendaval anunciándoa,

esvaendo a chama da vela.

Pero xa había alguén esperándoa.

A súa chegada xa advertiran,

Contra ela berreaban, insultándoa.

A súa ollada verde xa viran,

que tolos a tantos homes volveu

e que de cabeza ó mar se tiran.

A férrea vontade corrompeu,

todos ceden ó seu encantamento,

o prezo pagaráo quen non veu.

Os descendentes, sen coñecemento,

formarán parte da extensa prole,

deformes que firen o sentimento.

Despertar escéptico

Despois de saber como acaba esta historia

e de lamentar non ter disfrutado máis da súa evolución,

digo, e non temo que as miñas palabras fagan canción,

que estes relatos non son unha vacua filosofía

e que nos seus lamentos moitos poetas encontran un filón.

Mais eu continúo, sabendo que a miña teoría é certa

que un adeus non sempre deixa un abismo,

que o presente matou xa o romanticismo,

que sinceramente ninguén dá un peso por unha aperta

e que o mundo de hoxe en día, construíuse sobre o cinismo.

E con forzas renovadas rompo estas cadeas.

Maldigo a sociedade que me colgou ditas ataduras,

na que o ben máis escaso son as mentes maduras,

abundan os vicios enormes como baleas

e a maioría son ignorantes que camiñan ás escuras.

Mutuamente Sós

Eu só son

un solitario defunto.

Ti es só

un solitario espírito.

Corremos desesperados

baixo os tamén solitarios raios,

tristes e temidos emisarios

dos deuses que os homes creamos.

Entre o fume tratamos de atoparnos

pero a soidade insiste en non deixarnos

e nesa conxunción de pós

seguimos mutuamente sós.

Formigoloxía

Negar non se pode

que a vida das formigas

non está chea de felicidade.

É todo de forma épica marchar,

pes humanos esquivar.

E o colmo de males é ter

sexo mecánico e repetitivo

coa mesma muller

ca calquera outro compañeiro tivo.

Media ducia de horas

Rotura múltiple.

Todo esparexido.

Tempo perdido.

Ollada verde.

Festival carnívoro.

Tempo inquedo.

E nada come.

As follas arrincadas.

Tempo queimado.

Onda xigante.

Pequena desastrosa.

Tempo roubado.

Flores xa murchas.

As pobres desgraciadas.

Tempo eivado.

Beizos mordidos.

Votación anulada.

Tempo parado.